اسلام آباد میں پولیس اور رینجرز کی مشترکہ کارروائی شراب کی سیکڑوں بوتلیں اور اسلحہ برآمد

سرچ آپریشن کے دوران حراست میں لئے گئے افراد سے تفتیش جاری ہے، پولیس فوٹو: فائل

---

پولیس، رینجرز اور حساس اداروں نے وفاقی دارالحکومت کے مختلف علاقوں میں مشترکہ کارروائیاں کر کے متعدد افراد کو حراست میں لے کر اسلحہ اور شراب کی سیکڑوں بوتلیں برآمد کر لیں۔

اسلام آباد پولیس، رینجرز اور حساس اداروں نے وفاقی دارالحکومت میں فیض آباد اور بہارہ کہو کے علاقوں میں سرچ آپریشن کر کے شراب کی 1280 بوتلیں برآمد کر لیں۔ سرچ آپریشن کے دوران متعدد افراد کو حراست میں لے کر اسلحہ بھی برآمد کیا گیا۔ گرفتار کئے گئے افراد کو تفتیش کے لئے نامعلوم مقامات پر منتقل کر دیا گیا ہے۔