بطورقوم ریاست کے دشمنوں کی ہرکوشش ناکام بنانا ہوگی سربراہ پاک فوج

آرمی چیف جنرل راحیل شریف کا کہنا ہے کہ دہشت گردی کےخلاف جنگ میں پوری قوم پاک فوج کے ساتھ ہے اور بطور قوم ہمیں ریاست کے دشمنوں کی ہرکوشش ناکام بنانا ہوگی۔

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل راحیل شریف نے عیدالاضحیٰ کی نماز خیبرایجنسی میں فوجی جوانوں کے ساتھ ادا کی جہاں انہوں نے اگلے مورچوں میں موجود جوانوں سے ملاقات کی اور انہیں عید کی مبارک باد بھی دی، اس موقع پر آرمی چیف کو خیبر ایجنسی میں جاری آپریشن پر بریفنگ بھی دی گئی۔


سربراہ پاک فوج کا جوانوں سے خطاب میں کہنا تھا کہ دہشت گردی کے اندرونی اوربیرونی عناصر کو شکست دیں گے جب کہ دہشت گردی کےخلاف جنگ میں پوری قوم پاک فوج کے ساتھ ہے اور ہمیں بطورقوم ریاست کے دشمنوں کی ہرکوشش ناکام بنانا ہوگی۔

واضح رہے کہ گزشتہ روز بھی آرمی چیف جنرل راحیل شریف نے لائن آف کنٹرول پر اگلے مورچوں کا دورہ کیا تھا جب کہ اس موقع پرانہوں نے بھارت کی بلااشتعال فائرنگ کے بھرپورجواب پر فوجیوں کی تعریف اور انہیں عید الاضحیٰ کی پیشگی مبارک باد دی تھی۔

https://www.dailymotion.com/video/x37r35i_army-chief_news