پاکستان میں آج جزوی چاند گرہن دیکھا جاسکے گا

رواں سال یہ دوسرا چاند گرہن ہوگا جب کہ اس سے قبل 4 اپریل کو چاند گرہن ہوا تھا۔ فوٹو:فائل

---

پاکستان میں آج جزوی چاند گرہن ہوگا جسے کراچی سمیت ملک کے مختلف علاقوں سے دیکھا جاسکے گا۔

محکمہ موسمیات کے مطابق آج صبح 5 بج کر 12 منٹ پر پاکستان میں جزوی چاند گرہن ہوگا جو صبح 10 بجکر 23 منٹ پر ختم ہوگا جسے کراچی سمیت ملک کے مختلف علاقوں سے دیکھا جاسکتا ہے۔ محکمہ موسمیات کا کہنا ہے کہ مغربی ایشیا، افریقا، یورپ اور امریکا میں مکمل چاند گرہن ہوگا تاہم پاکستان میں جزوی چاند گرہن ہوگا۔

واضح رہے کہ رواں سال یہ دوسرا چاند گرہن ہوگا جب کہ اس سے قبل 4 اپریل کو چاند گرہن ہوا تھا اسی طرح رواں برس 2 سورج گرہن بھی ہوچکے ہیں۔