کراچی میں رینجرز سے مقابلے میں لیاری گینگ وارکے 4 دہشت گرد ہلاک

لیاری میں رینجرز سے مقابلے کے دوران لیاری گینگ وار کے 4 دہشت گرد ہلاک ہوگئے۔


ترجمان رینجرز کے مطابق کراچی کے علاقے لیاری میں رینجرز نے خفیہ اطلاع پر کارروائی کی جس کے نتیجے میں علاقے میں چھپے ہوئے دہشت گردوں نے فائرنگ کردی جب کہ رینجرز کی جوابی فائرنگ کے نتیجے میں لیاری گینگ وار کے 4 دہشت گرد ہلاک جب کہ 2 فرار ہوگئے جن کی تلاش کے لیے چھاپے مارے جارہے ہیں۔

ترجمان کے مطابق ہلاک دہشت گرد جرائم کی سنگین وارداتوں میں ملوث تھے جب کہ دہشت گردوں کے قبضے اسلحہ بھی برآمد ہوا ہے۔