کراچی کے علاقے کورنگی کے گودام میں خوفناک آتشزدگی 2 مکانات کو لپیٹ میں لے لیا

کورنگی کے علاقے سو کوارٹر میں چمڑے کے گودام میں اچانک آگ بھڑک اٹھی جس نے قریبی مکانات کو بھی اپنی لپیٹ میں لے لیا۔

ایکسپریس نیوز کے مطابق کورنگی سو کوارٹر میں چمڑے کے گودام میں آگ لگنے سے گودام مکمل طور پر تباہ ہوگیا جب کہ آگ بجھانے کے لئے 5 فائر ٹینڈرز اور 2 واٹر باؤزرمصروف ہیں۔ بے قابو آگ نے قریبی 2 مکانات کو بھی اپنی لپیٹ میں لے لیا جس کے نتیجے میں دونوں مکانات کی چھتیں اور دیواریں گر گئیں تاہم کسی جانی نقصان کی اطلاع نہیں۔


فائر بریگیڈ حکام کے مطابق متاثرہ گودام میں جانوروں کی کھالوں کے ذخیرہ کے علاوہ کپڑا اور مختلف اشیا موجود تھیں جو جل کر خاک ہوگئیں تاہم آگ پر قابو پانے کے لئے مزید فائر ٹینڈرز کو طلب کرلیا گیا ہے۔ دوسری جانب گودام کے مالک عبدالحمید کا کہنا ہے کہ بھتہ نہ دینے پر شرپسندوں نے گودام کو آگ لگائی جب کہ بھتہ خوروں نے انہیں برباد کردیا۔

https://www.dailymotion.com/video/x388ovn_korangi-factory-fire_news