اقوام عالم کو خطے میں مستقل امن کیلئے مسئلہ کشمیرحل کرنے میں مدد کرنا ہوگی سربراہ پاک فوج

ہمارے تنازعات کی جڑ مسئلہ کشمیر ہے اور کشمیر ایک نامکمل ایجنڈا ہے، جنرل راحیل شریف کا لندن میں تقریب سے خطاب۔ فوٹو: آئی ایس پی آر

---

KANSAS, USA: سربراہ پاک فوج جنرل راحیل شریف کا کہنا ہے کہ خطے میں مستقل امن کے لئے اقوام عالم کومسئلہ کشمیر حل کرنے میں مدد کرنا ہوگی۔



ترجمان پاک فوج نے سماجی رابطے کی ویب سائٹ ٹوئٹر پر آرمی چیف کے لندن میں رائل یونائٹیڈ سروسز انسٹی ٹیوٹ کے دورہ کی تفصیلات بتاتے ہوئے کہا کہ جنرل راحیل شریف کا تقریب سے خطاب میں کہنا تھا کہ ہمارے تنازعات کی جڑ مسئلہ کشمیرہے اوردنیا خطے میں مستقل امن کی خواہ ہے تو مسئلہ کشمیر کے حل کے لئے مدد کرنا ہوگی جب کہ کشمیر ایک نامکمل ایجنڈا ہے۔ انہوں نے کہا کہ بھارت کی پاکستان کے خلاف بلواسطہ حکمت عملی کے خطے پرمنفی اثرات مرتب ہورہے ہیں اورخاص طور پر بھارت کی جانب سے لائن آف کنٹرول کی خلاف ورزی کے خطے میں برے اثرات پڑ رہے ہیں۔

Kashmir an unfinished http://t.co/sXYvvM5YgH must help in resolving Kashmir Issue if want genuine peace in region-5 pic.twitter.com/mV4gfVwK0a

— Gen(R) Asim Saleem Bajwa (@AsimBajwaISPR) October 2, 2015

افغانستان کے حوالے سے جنرل راحیل شریف کا کہنا تھا کہ افغانستان کےساتھ ہمارےبرادرانہ تعلقات اورخونی رشتہ ہے تاہم پاکستان مخالف پروپیگنڈا ختم ہونا چاہیئے، افغانستان میں مستقل قیام امن کےدوران امن خراب کرنے والوں پرنظررکھناہوگی اور خطےمیں قیام امن کے لئے بہتربارڈرمینجمنٹ اوربین الاقوامی تعاون کی ضرورت ہے۔ ان کا کہنا تھا کہ پاکستان کی سیکیورٹی صورتحال، معاشی ترقی بہتر ہورہی ہے اور ملک میں مکمل سیکیورٹی کے لئے کوششیں جاری رکھیں گے۔

With people of Afgn our relations brotherly&blood ties.Border mngmt&greater int coop must for regional peace.Anti Pak propaganda must end-3

— Gen(R) Asim Saleem Bajwa (@AsimBajwaISPR) October 2, 2015