راولپنڈی میں ڈینگی نے ایک اورجان لے لی جاں بحق افراد کی تعداد 2 ہوگئی

راولپنڈی میں ڈینگی سے اب تک 2 خواتین انتقال کرچکی ہیں فوٹو: فائل

---

RAWALPINDI: ڈینگی نے ایک اور جان لے لی جس کے بعد شہر میں اس موذی مرض سے جاں بحق افراد کی تعداد 2 ہوگئی ہے۔

ایکسپریس نیوز کے مطابق 24 سالہ فائزہ کو چند روز قبل نجی اسپتال سے اسلام آباد کے پمزاسپتال لے جایا گیا تاہم بعد میں اسے بے نظیر بھٹو ڈسٹرکٹ اسپتال لایا گیا جہاں وہ جاں بر نہ ہوسکی، بعد ازاں اسپتال انتظامیہ نے فائزہ کی میت کو لواحقین کے حوالے کردیا۔

واضح رہے کہ راولپنڈی میں ڈینگی سے اب تک 2 خواتین انتقال کرچکی ہیں جب کہ ڈینگی سے متاثرہ مریضوں کی تعداد 1100 سے زائد ہوچکی ہے۔