فرانس میں شدید طوفان اور سیلاب سے 16 افراد ہلاک

فرانس میں طوفان اور سیلابی ریلوں نے شدید تباہی مچادی ہے جس کے باعث 16 افراد ہلاک اور کئی لاپتہ ہوگئے۔


غیر ملکی خبر رساں ادارے کے مطابق فرانس کے جنوب مشرقی حصے میں شدید طوفان اور سیلابی ریلوں نے تباہی مچادی ہے جس کے نتیجے میں 16 افراد ہلاک اور کئی اب بھی لاپتہ ہیں جب کہ سیلاب کے باعث علاقے میں نہ صرف نظام زندگی مکمل طور پر مفلوج ہے بلکہ آمدورفت کے ذرائع بھی بری طرح متاثر ہوچکے ہیں۔

حکام کا کہنا ہے کہ سیلاب سے متاثرہ علاقوں میں امدادی کارروائیاں جاری ہیں جب کہ دوسری جانب فرانسیسی صدر فرانسوا اولاند نے سیلاب سے متاثرہ علاقے کو آفت زدہ قرار دیدیا ہے۔