اخترکالونیپولیس کی کارروائی کیخلاف پتھاریداروںکا احتجاج

اخترکالونی:پولیس کارروائی کے بعد فٹ پاتھ پر قائم تجاوزات پر کپڑا ڈال دیا گیا ہے ،فٹ پاتھ پر پرانا فرنیچر اوردیگر سامان فروخت کیا جاتا تھا۔ فوٹو/ایکسپریس

---

اخترکالونی میں پولیس نے فٹ پاتھ پر قائم تجاوزات کے خلاف کارروائی کی جس پر پتھاریدار مشتعل ہوگئے اور مین کورنگی روڈ پر احتجاج کیا ، تفصیلات کے مطابق ڈیفنس کے علاقے اختر کالونی میں فٹ پاتھ پر قائم تجاوزات کے خلاف ڈیفنس پولیس نے پیر کو کارروائی کی جس پر پتھاریدار مشتعل ہوگئے اور کورنگی روڈ پر احتجاج کیا۔

ایس ایچ او ڈیفنس خالد محمود نے ایکسپریس کو بتایا کہ فٹ پاتھ پر تجاوزات کے باعث پیدل چلنے والوں کے لیے سہولت ختم ہوگئی جبکہ بس اسٹاپ پر بھی رش کے باعث مسافر بس کے انتظار میں فٹ پاتھ کے بجائے سڑک پر کھڑے ہونے پر مجبور ہوگئے ہیں ،

کارروائی کیخلاف پتھاریداروں نے سڑک پر مظاہرہ کیاجسے پولیس نے ہوائی فائرنگ کرکے منتشر کردیا ، ہنگامہ آرائی کے باعث کچھ دیر کے لیے ٹریفک معطل ہوگیا اور گاڑیوں کی طویل قطاریں لگ گئیں۔