سپریم کورٹ کا ڈاکٹرعاصم حسین کے طبی معائنہ کے لئے میڈیکل بورڈ کی تشکیل کا حکم

سپریم کورٹ نے رینجرز کی تحویل میں ڈاکٹرعاصم حسین کے طبی معائنے کے لئے میڈیکل بورڈ کی تشکیل کا حکم دے دیا۔


جسٹس سرمد جلال عثمانی اور جسٹس عظمت سعید پر مشتمل سپریم کورٹ کے ڈویژن بینچ نے ڈاکٹرعاصم کی اسپتال سے رینجرزہیڈ کوارٹرز منتقلی سےمتعلق کیس کی سماعت کی، فریقین کا موقف سننے کے بعد عدالت عظمیٰ نے وفاقی سیکریٹری صحت کو ڈاکٹرعاصم کےطبی معائنے کے لئے میڈیکل بورڈ تشکیل دینے کا حکم دیتے ہوئے اس میں شامل ڈاکٹروں کو ڈاکٹر عاصم تک 24 گھنٹے رسائی دینے کی ہدایت کی۔

سپریم کورٹ نے سیکریٹری صحت کو حکم دیا کہ 2 ہفتوں میں میڈیکل بورڈ تشکیل دے کر رپورٹ جمع کرائیں، کیس کی مزید سماعت 28 اکتوبر کو ہوگی۔