اپنی غلطیوں سے سیکھ کر مسلم لیگ ن کا مقابلہ کریں گے عمران خان

ہمارے کارکنوں کو آخری چند منٹوں میں پولنگ اسٹیشنزسے باہرنکال دیا گیا جس کی تفصیلات جمع کررہے ہیں،چیئرمین پی ٹی آئی. فوٹو:فائل. فوٹو:فائل

---

چیئرمین تحریک انصاف عمران خان کا کہنا ہے کہ ضمنی انتخاب میں ہماری اخلاقی فتح ہوئی اور اپنی غلطیوں سے سیکھ کر مسلم لیگ (ن) کا مقابلہ کریں گے۔



سماجی رابطے کی ویب سائٹ ٹوئٹر پرعمران خان نے این اے 122 اور پی پی 147 سے کھڑے ہونے والے اپنے امیدواروں کو مبارکباد پیش کی اور کہا کہ علیم خان اور شعیب صدیقی حکومتی مشینری کا مقابلہ کرنے پر مبارکباد کے مستحق ہیں، ہم اپنی غلطیوں سے سیکھیں گے اور مسلم لیگ (ن) کی جانب سے کی گئی دھاندلی کے طریقوں کا مقابلہ کریں گے جس کے لئے ایک مرتبہ پھر ہم تیار نہیں تھے۔

We are investigating the number of PTI votes thrown out of NA122 at the last minute & will then approach the ECP.

— Imran Khan (@ImranKhanPTI) October 12, 2015

چیئرمین تحریک انصاف کا کہنا تھا کہ ہمارے کارکنوں کو آخری چند منٹوں میں پولنگ اسٹیشنز سے باہر نکال دیا گیا جس کی تفصیلات جمع کر رہے ہیں جس کے بعد الیکشن کمیشن سے رابطہ کیا جائے گا۔ ان کا کہنا تھا کہ این اے 122 میں حکومتی مشینری اور صوبائی الیکشن کمیشن کا مقابلہ کرنا پی ٹی آئی کی اخلاقی فتح ہے تاہم ووٹنگ کے آخری وقت میں ہمارے کارکنوں کو پولنگ اسٹیشنز سے باہر نکال دیا گیا۔

2/2 We will learn from our mistakes & counter those rigging tactics by PMLN that we were not prepared for again.

— Imran Khan (@ImranKhanPTI) October 12, 2015

This is a moral victory for PTI - successfully challenging PMLN with its govt power & provincial EC. This election will strengthen PTI. 1/2

— Imran Khan (@ImranKhanPTI) October 12, 2015