سونے کی تولہ قیمت 47ہزارروپے سے تجاوز

بین الاقوامی بلین مارکیٹ میں سونے کی قیمت 1186ڈالر فی اونس جبکہ چاندی کی 16.18 ڈالر فی اونس رہی ۔فوٹو: فائل

---

سونے کی تولہ قیمت جمعرات کو 47ہزار روپے سے تجاوز کرگئی۔

صرافہ ایسوسی ایشن کی جانب سے جاری کردہ اعدادوشمار کے مطابق بین الاقوامی بلین مارکیٹ میں سونے کی قیمت 18 ڈالرفی اونس بڑھنے کے باعث مقامی صرافہ مارکیٹس میں تولہ قیمت میں 250 اور 10گرام میں 214 روپے کا اضافہ ہوگیا جس سے تولہ قیمت 47 ہزار 150 اور 10 گرام 40ہزار 414 روپے ہوگئی۔

بین الاقوامی بلین مارکیٹ میں سونے کی قیمت 1186ڈالر فی اونس جبکہ چاندی کی 16.18 ڈالر فی اونس رہی جس سے مقامی مارکیٹس میں چاندی کی تولہ قیمت 10 روپے بڑھ کر700 اور 10 گرام 8.58 روپے کے اضافے سے 600 روپے ہوگئی۔