پنجاب حکومت کی ساہیوال کول پاور پراجیکٹ کے حکم امتناعی کے خلاف درخواست

لاہور ہائیکورٹ نے ساہیوال کول پاور پراجیکٹ کے حوالے سے پنجاب حکومت جواب طلب کیا ہے۔  فوٹو: فائل

---

پنجاب حکومت نے ساہیوال کول پاور پراجیکٹ پر حکم امتناعی کے خلاف درخواست دائر کر دی ہے۔

ایکسپریس نیوز کے مطابق پنجاب حکومت ساہیوال کول پاور پراجیکٹ پرحکم امتناعی کے خلاف لاہور ہائیکورٹ درخواست دائر کردی ہے۔ درخواست میں پنجاب حکومت کی جانب سے موقف اختیارکیا گیا ہے کہ یہ منصوبہ وقت کی ضرورت ہے، بجلی بحران کے باعث ایسے منصوبے شروع کئے گئے، منصوبے پر جاری حکم امتناعی پر نظر ثانی کی جائے اور حکم امتناعی خارج کیا جائے۔

واضح رہے کہ لاہور ہائیکورٹ نے پنجاب حکومت کو ساہیوال میں کوئلے سے بجلی پیدا کرنے کے منصوبے پر فوری طور پر کام روکنے کا حکم جاری کرتے ہوئے حکومت سے 29 اکتوبر تک تفصیلی جواب طلب کررکھا ہے۔