سلمان خان کی فلم ’’پریم رتن دھن پایو‘‘ میں شاہ رخ خان کی فلم کا ٹریلیر بھی جاری کیا جائے گا

فلم میں ٹریلیر جاری کرنے پر شاہ رخ خان کی پروڈکشن کمپنی نے سلمان خان اور فلم ڈائریکٹر کا شکریہ ادا کیا ۔

---

EUGENE:

بالی ووڈ کے دبنگ اسٹار سلمان خان کی فلم ''پریم رتن دھن پایو'' کی فلم کے ساتھ سپر اسٹار شاہ رخ خان کی فلم''دل والے'' کا بھی ٹریلیر جاری کیا جائے گا۔

بالی ووڈ کے حکمران خانز شاہ رخ اور سلمان خان ماضی میں ایک دوسرے کے بدترین حریف رہے ہیں جب کہ اب دونوں اداکاروں میں گزشتہ سال دوستی کے بعد قربتیں بڑھنے لگی ہیں اور دونوں کے درمیان دوستی وقت کے ساتھ ساتھ مضبوط ہوتی جارہی ہے جس کا برملا اظہار دونوں جانب سے کیا جاتا رہا ہے تاہم اب دونوں خانز کی دوستی فلموں کے لیے بھی خوشگوار ثابت ہورہی ہے۔

میڈیا رپورٹس کے مطابق بالی ووڈ کے دبنگ سپر اسٹار سلمان خان کی دیوالی پر ریلیزہونے والی فلم''پریم رتن دھن پایو'' میں شاہ رخ خان کی 18 دسمبر کو ریلیز ہونے والی فلم ''دل والے'' کا ٹریلیر بھی شامل کیا جائے گا جسے فلم کے دوران وقفے پر جاری کیا جائے گا۔ فلم ''پریم رتن دھن پایو'' میں ٹریلیر جاری کرنے پر شاہ رخ خان کی پروڈکشن کمپنی نے سلمان خان اور فلم ڈائریکٹر کا شکریہ ادا کیا ہے۔