آئندہ فلم میں کوئی اچھا پروجیکٹ ملا تو ضرورکرون گی ثروت گیلانی

اداکارہ ثروت گیلانی نے کہا ہے کہ فلم کرنے کا تجربہ خوشگوار رہا ، آئندہ بھی کوئی اچھے پروجیکٹ کی آفر ہوئی تو ضرور کروں گی۔


ان کا کہنا تھا کہ ''جوانی پھرنہیں آنی'' میری پہلی فلم تھی جس میں ایک پٹھانی لڑکی کا کردار کیا اور اس کردار کی جزئیات کو سامنے رکھتے ہوئے نبھانے کے لیے بھرپور کوشش کی اور ناظرین کی بھی مشکور ہوں کہ انھوں نے میری پرفارمنس کو سراہا ہے۔

فلم کرتے ہوئے مجھے اس لیے بھی مشکل پیش نہیں آئی کہ سبھی وہی لوگ تھے جن کے ساتھ پچھلے ایک عرصہ سے ٹی وی پر کام کر رہی ہوں ۔ ٹی وی کی طرح فلم بین بھی اسی فلم کو دیکھنے کے لیے آتے ہیں جو انھیں انٹرٹین کرے۔ثروت گیلانی کا کہنا تھا کہ پروڈیوسر اور ڈائریکٹر بھیٹر چال کا شکار ہونے کے بجائے ہر مزاج کی فلم بنا رہے ہیں اور ان سب کو پسند بھی کیا جارہا ہے ۔