بھارت سے میچز کی ممکنہ منسوخی پاکستان چھوٹی ٹیموں کی سیریز کو بڑا بنائے گا
میزبان کازمبابوے اور افغانستان کے ساتھ امارات میں ایونٹ کھیلنے پر غور
ٹی 20لیگ کے بعد بنگلہ دیش کومہمان بنانے کیلیے بھی دوبارہ بات چیت ۔ فوٹو:اےایف پی
HYDERABAD:
بھارت سے میچزکی منسوخی پر پاکستان چھوٹی ٹیموں کی سیریز کو بڑا بنائے گا، پی سی بی دسمبر میں زمبابوے، یو اے ای اور افغانستان کے ساتھ امارات میں چار قومی ٹورنامنٹ کھیلنے پر غور کر رہا ہے، اسی کے ساتھ بنگلہ دیش کو مہمان بنانے کیلیے بھی دوبارہ بات چیت ہوئی ہے۔
تفصیلات کے مطابق پاکستان اور بھارت کی دسمبر میں شیڈول سیریز طوفانوں کی زد میں ہے، صرف2ماہ رہ گئے لیکن بھارت نے تاحال کوئی جواب ہی نہیں دیا، گذشتہ دنوں دبئی میں آئی سی سی میٹنگز کے دوران چیئرمین بورڈ شہریارخان کی سیکریٹری بی سی سی آئی انوراگ ٹھاکر سے ملاقات نے کچھ آس دلائی مگر ابھی کچھ فائنل نہیں ہے، آئندہ چند روز میں شہریارخان بھارت جا کر نئے بورڈ چیف ششانک منوہر سے ملاقات کریں گے،اسی کے ساتھ پاکستان دیگر آپشنز بھی دیکھ رہا ہے۔
دسمبر میں یو اے ای میں ہی میزبان، زمبابوے اور افغانستان کے درمیان ٹرائنگولر سیریز شیڈول ہے، ذرائع نے نمائندہ ''ایکسپریس'' کو بتایا کہ اگر بھارت نے انکار کیا تو پی سی بی اس ایونٹ میں اپنے اسکواڈ کو شامل کرا لے گا، چھوٹی ٹیموں کے اس ایونٹ کی ابھی کوئی مارکیٹ ویلیو نہیں ہے، مگر پاکستانی ٹیم شامل ہوئی تو براڈکاسٹنگ رائٹس اچھی قیمت پر فروخت کرنے کے ساتھ اسپانسرز کی توجہ بھی مبذول کرائی جا سکے گی۔
اسی کے ساتھ بنگلہ دیش کو امارات میں سیریز کیلیے مدعو کرنے کی بھی تجویز ہے، گوکہ گذشتہ دنوں اس حوالے سے بی سی بی نے زیادہ دلچسپی نہیں دکھائی مگر اب اعلیٰ حکام کے درمیان مثبت بات چیت ہوئی ہے، یو اے ای میں بنگالیوں کی بڑی تعداد مقیم اور میچز میں بڑا کراؤڈ آ سکتا ہے، ٹائیگرز اپنی ٹوئنٹی 20لیگ کے بعد گرین شرٹس سے سیریز کھیلنے پر غور کر رہے ہیں۔
بھارت سے میچزکی منسوخی پر پاکستان چھوٹی ٹیموں کی سیریز کو بڑا بنائے گا، پی سی بی دسمبر میں زمبابوے، یو اے ای اور افغانستان کے ساتھ امارات میں چار قومی ٹورنامنٹ کھیلنے پر غور کر رہا ہے، اسی کے ساتھ بنگلہ دیش کو مہمان بنانے کیلیے بھی دوبارہ بات چیت ہوئی ہے۔
تفصیلات کے مطابق پاکستان اور بھارت کی دسمبر میں شیڈول سیریز طوفانوں کی زد میں ہے، صرف2ماہ رہ گئے لیکن بھارت نے تاحال کوئی جواب ہی نہیں دیا، گذشتہ دنوں دبئی میں آئی سی سی میٹنگز کے دوران چیئرمین بورڈ شہریارخان کی سیکریٹری بی سی سی آئی انوراگ ٹھاکر سے ملاقات نے کچھ آس دلائی مگر ابھی کچھ فائنل نہیں ہے، آئندہ چند روز میں شہریارخان بھارت جا کر نئے بورڈ چیف ششانک منوہر سے ملاقات کریں گے،اسی کے ساتھ پاکستان دیگر آپشنز بھی دیکھ رہا ہے۔
دسمبر میں یو اے ای میں ہی میزبان، زمبابوے اور افغانستان کے درمیان ٹرائنگولر سیریز شیڈول ہے، ذرائع نے نمائندہ ''ایکسپریس'' کو بتایا کہ اگر بھارت نے انکار کیا تو پی سی بی اس ایونٹ میں اپنے اسکواڈ کو شامل کرا لے گا، چھوٹی ٹیموں کے اس ایونٹ کی ابھی کوئی مارکیٹ ویلیو نہیں ہے، مگر پاکستانی ٹیم شامل ہوئی تو براڈکاسٹنگ رائٹس اچھی قیمت پر فروخت کرنے کے ساتھ اسپانسرز کی توجہ بھی مبذول کرائی جا سکے گی۔
اسی کے ساتھ بنگلہ دیش کو امارات میں سیریز کیلیے مدعو کرنے کی بھی تجویز ہے، گوکہ گذشتہ دنوں اس حوالے سے بی سی بی نے زیادہ دلچسپی نہیں دکھائی مگر اب اعلیٰ حکام کے درمیان مثبت بات چیت ہوئی ہے، یو اے ای میں بنگالیوں کی بڑی تعداد مقیم اور میچز میں بڑا کراؤڈ آ سکتا ہے، ٹائیگرز اپنی ٹوئنٹی 20لیگ کے بعد گرین شرٹس سے سیریز کھیلنے پر غور کر رہے ہیں۔