کراچی کے علاقے منگھو پیر میں رینجرزکی کارروائی بھتا اور اغوا برائے تاوان کا ملزم گرفتار

پولیس نے ملت ٹاؤن میں ڈکیتی کی وارداتوں میں ملوث 2ملزمان گرفتار کرلئے، فوٹو: فائل

---

رینجرز نے منگھوپیر میں کارروائی کرتے ہوئے بھتا اور اغوا برائے تاوان کا ملزم گرفتار کرلیا۔

سندھ رینجرزکے ترجمان کی جانب سے جاری بیان کے مطابق رینجرزحکام نے منگھوپیرمیں کارروائی کرتے ہوئے سلیم احمد نامی ملزم کو گرفتار کرکے اس کے قبضے سے دھماکا خیز مواد برآمد کرلیا۔

رینجرز ترجمان کا کہنا ہے کہ ملزم سلیم احمد نے 2008 میں 10 افراد کو تاوان کے لیے اغوا کیا، اس کے علاوہ ملزم نے 2013 اور 2014 میں 8 تاجروں سےبھتا وصول کیا، ملزم نے 2014 میں ناظم آباد میں 3 دکانیں اور پہلوان گوٹھ میں ایک مکان بھی زبردستی خالی کرایا۔

دوسری جانب پولیس نے بھی ملیر کے ملت ٹاؤن میں کارروائی کرتے ہوئے ڈکیتی کی وارداتوں میں ملوث 2ملزمان گرفتار کرلئے۔