عمران ہاشمی اداکاری کے بعد کتاب کے مصنف بن گئے

عمران ہاشمی نے اپنے بیٹے کی بیماری میں ہونے والی جدوجہد کو کتاب میں قلم بند کیا، فوٹو:فائل

---

بالی ووڈ کے سپر اسٹار عمران ہاشمی اداکاری کے میدان میں جوہر دکھانے کے بعد کتاب کے مصنف بھی بن گئے۔

اداکارعمران ہاشمی نے فلمی کیرئیر کا آغاز 2003 میں ریلیز ہونے والی فلم ''فٹ پاتھ'' سے کیا جس کے بعد انہوں نے متعدد فلموں میں اداکاری کے جوہر دکھائے جب کہ 2006 میں ریلیز ہونے والی فلم ''گینگسٹر'' سے انہیں بے پناہ شہرت ملی تاہم اداکاری کے میدان میں کامیابیاں سمیٹنے والے عمران ہاشمی اب کتاب کے مصنف بن گئے ہیں۔

بولڈ مناظر کی عکس بندی کے حوالے سے مشہور اداکارعمران ہاشمی کا 4 سالہ بیٹا آریان کینسر کے مرض میں مبتلا تھا جس کے علاج کے دوران ان کی زندگی بدل گئی جس کا برملا اظہار وہ خود کرتے ہیں جب کہ وہ اپنے بیٹے میں موذی مرض کینسر کی تشخیص کے بعد حالات اور جدوجہد کو کتاب کی شکل میں شائع کررہے ہیں اور اس کتاب کی تقریب رونمائی آئندہ سال کی جائے گی۔

The last 2 years have been the most trying phase of my life.Through it I have found 2 of my greatest teachers.Cancer and my son!.

— Emraan Hashmi (@emraanhashmi) October 16, 2015

دوسری جانب سماجی رابطوں کی ویب سائٹ ٹوئٹر پر اپنے پیغام میں اداکار کا کہنا تھا کہ گزشتہ 2 سال میری زندگی کے انتہائی جدوجہد والے دن تھے جب کہ میرا بیٹا اور کینسر میری زندگی کے بہترین استاد ہیں۔