شمالی وزیرستان میں آپریشن کے دوران زخمی ہونے والا دہشت گرد کراچی سے گرفتار

دہشت گردوں کے قبضے سےاسلحہ، خودکش جیکٹ اور دیگر سامان برآمد ہوا ہے، فوٹو: فائلل

---

حساس اداروں نے سلطان آباد میں کارروائی کرتے ہوئے شمالی وزیرستان میں آپریشن کے دوران زخمی ہونے والا دہشت گرد کو گرفتارکرلیا۔

ایکسپریس نیوزکے مطابق کراچی میں حساس اداروں نے سلطان آباد کے علاقے ہجرت کالونی میں مصدقہ اطلاعات پر سرچ آپریشن کیا، گھرگھرتلاشی کے دوران سیکیورٹی فورسز نے ایک مکان سے 5 دہشت گردوں کو گرفتار کرکے ان کے قبضے سےاسلحہ ، خودکش جیکٹ اور دیگر سامان برآمد کرلیا۔

سیکیورٹی ذرائع کا کہنا ہے کہ حراست میں لیا گیا ایک شخص زخمی حالت میں ہے۔ جس کا نام بادشاہ خان ہے اور وہ شمالی وزیرستان میں فورسز کے آپریشن کے دوران زخمی ہوا تھا۔ بادشاہ خان شمالی وزیرستان سے بچ نکل کرکراچی اپنا علاج کرانے آیاتھا تاہم یہاں اسے گرفتار کرلیا۔