کنگ خان نے پاکستانی اداکارہ ماہرہ خان کی تعریفوں کے پل باندھ دیئے

ماہرہ خان بہت خوبصورت،ذہین اور خوش مزاج اداکارہ ہیں، بالی ووڈ کنگ شاہ رخ خان فوٹو: فائل

---

بالی ووڈ کے کنگ شاہ رخ خان نے پاکستانی اداکارہ ماہرہ خان کی تعریفوں کے پل باندھ دیئے۔

بالی ووڈ سپر اسٹار شاہ رخ خان کے ساتھ فلموں میں کام کرنا کسی بھی اداکار کا خواب ہی ہوتا ہے جب کہ پاکستانی اداکارہ ماہرہ خان فلم''رئیس'' میں کنگ خان کے مدمقابل مرکزی کردار ادا کررہی ہیں جس کی شوٹنگ جاری ہے تاہم شاہ رخ خان بھی اداکارہ ماہرہ خان کی صلاحیتوں کے معترف ہوگئے ہیں۔

بالی ووڈ اسٹار شاہ رخ خان سے اسکاٹ لینڈ کی ایڈن برگ یونیورسٹی میں ماہرہ خان سے متعلق سوال پوچھا گیا جس پر اداکار نے ماہرہ خان کی تعریفوں کے پل باندھ دیئے۔ کنگ خان کا کہنا تھا کہ ماہرہ خان بہت خوبصورت،ذہین اور خوش مزاج اداکارہ ہیں جن کے ساتھ کام کرنے کا تجربہ دلچسپ ہے جب کہ وہ تمام مرکزی کردار ادا کرنے والی اداکاراؤں سے مختلف ہیں اور ان کے ساتھ کام کرکے خوشی محسوس ہوتی ہے۔

واضح رہے کہ بالی ووڈ اداکار شاہ رخ خان اور ماہرہ خان کی فلم''رئیس'' اگلے برس عید کے موقع پر ریلیز کی جائے گی۔