ادارے آئینی اختیارات سے تجاوزکریں تو ڈکٹیٹرشپ سراٹھاتی ہے آصف زرداری

ڈكٹيٹرشپ كے خلاف پارليمان ہماری ڈھال ہے اور پارليمان كو ہر صورت ميں مضبوط اور مستحكم كرنا چاہيے،شریک چیئرمین پی پی پی

ویب ڈیسک October 18, 2015

ڈكٹيٹرشپ كے خلاف پارليمان ہماری ڈھال ہے اور پارليمان كو ہر صورت ميں مضبوط اور مستحكم كرنا چاہيے،شریک چیئرمین پی پی پی.فوٹو: فائل

پاكستان پيپلزپارٹی كے شریک چيئرمين اور سابق صدر آصف علی زرداری نے كہاہے كہ ڈكٹيٹرشپ مختلف اوقات اور مختلف صورتوں ميں دوبارہ سراٹھاتی ہے اوراس كااظہار اس وقت ہوتا ہے جب ادارے اور افراد اپنے آئينی اختيارات سے تجاوز كرتے ہوئے ديگر اداروں كے اختيارات ميں دخل اندازی كرتے ہيں۔

https://img.express.pk/media/images/q70/q70.webp

سانحہ كارساز كے شہداءكو زبردست خراج عقيدت پيش كرتے ہوئے اپنے بیان میں پیپلزپارٹی کے شریک چیئرمین کا کہنا تھا کہ سانحہ كارساز اور جمہوريت كيلئے جان كی قربانی دينے والے تمام شہدا كو سلام پيش كرتے ہيں، ان شہدا نے پاكستان پيپلز پارٹی كے جمہوريت اور مساوات كے مشن كے لئے قربانی دی۔ انہوں نے کہا کہ پاكستان پيپلز پارٹی كسی كو بھی پارليمان كی حيثيت ميں كمی نہيں كرنے دے گی اور اس بارے میں كسی كو غلط فہمی نہيں ہونی چاہيے۔

https://img.express.pk/media/images/q121/q121.webp

سابق صدر کا کہنا تھا کہ جمہوری جدوجہد سے ہميں يہ سبق ملتا ہے كہ ڈكٹيٹرشپ مختلف اوقات ميں مختلف صورتوں ميں دوبارہ سر اٹھاتی ہیں اس كا اظہار اس وقت ہوتا ہے جب ادارے اور افراد اپنے آئينی اختيارات سے تجاوز كرتے ہوئے ملک كے ديگر اداروں كے اختيارات ميں دخل اندازی كرتے ہيں، ہميں چاہيے كہ ايسے عناصر سے خبردار رہيں جوچور دروازے سے ڈكٹيٹرشپ كی ذہنيت ركھتے ہيں اس لئے اس رجحان كو بے نقاب كريں اوراس كے خلاف جدوجہد كريں۔ ان کا کہنا تھا کہ 18 اكتوبر2007 كو جمہوری قوتوں اورعسكريت و انتہاپسندوں كے درميان صف بندی واضح ہوگئی تھی اوراس دن كے بعد سے يہ صف بندی مزيد واضح ہوتی جا رہی ہے اور آمریت کے خلاف جنگ اس وقت تک جاری ركھی جائے گی جب تک جمہوری قوتوں كومكمل فتح نہيں مل جاتی۔

آصف علی زرداری نے اس عزم كا اعادہ كيا كہ ہم بے نظیر بھٹو کے مشن كو آگے بڑھاتے رہيں گے تاکہ ملک سے دہشتگردی اور ڈكٹيٹرشپ كی ہر صورت كا خاتمہ ہو۔