شیوسینا کے خلاف مذمتی قرار داد پنجاب اسمبلی میں جمع

شیو سینا کا پی سی بی عہدیداروں کی بھارت آمد پربی سی سی آئی دفترپردھاوا قابل مذمت ہے، قرارداد فوٹو: فائل

---

پاکستان پیپلز پارٹی نے ممبئی میں شہریار خان کی موجودگی میں بھارتی کرکت بورڈ کے دفتر پر دھاوے پر شیوسینا کے خلاف پنجاب اسمبلی میں مذمتی قرارداد جمع کرادی۔

پیپلز پارٹی کی رکن فائزہ ملک کی جانب سے پنجاب اسمبلی کے سیکریٹریٹ میں جمع کرائی گئی قرارداد میں کہا گیا ہے کہ شیو سینا کی سرگرمیوں کی وجہ سے خطے کا امن خطرے سے دوچار ہے، شیو سینا کا پی سی بی عہدیداروں کی بھارت آمد پربی سی سی آئی دفترپردھاوا قابل مذمت ہے۔ شیوسینا کے حملے سے واضح ہوگیا ہے کہ بھارت کرکٹ کے لئے غیر محفوظ ہے.

واضح رہے کہ شیو سینا کے بلوائیوں نے بی سی سی آئی ہیڈکوارٹر میں اس وقت ہلہ بولا جب پاک بھارت کرکٹ بورڈز کے سربراہان کے درمیان ملاقات جاری تھی۔