اسکول میں سب سے منفرد نام رکھنا چاہتی تھی ماورا

اداکارہ ماورا حسین بالی ووڈ کی فلم ’’صنم تیری قسم‘‘ کے سیکوئل سے فلمی سفر کا آغاز کریں گی،فوٹو: فائل

---

پاکستانی ڈراموں سے شہرت حاصل کرنے والی اداکارہ ماورا نے کہا کہ میری کلاس میں ''حسین'' نام کے کئی لوگ موجود تھے لیکن میں سب سے الگ نام رکھنا چاہتی تھی۔

پاکستانی ڈرامہ سیریل ''آہستہ آہستہ'' اور ''مریم'' سے شہرت کی بلندیوں پر پہنچنے والی اداکارہ ماورا بالی ووڈ کی فلم ''صنم تیری قسم'' کے سیکوئل سے فلمی سفر کا آغاز کریں گی جب کہ پاکستانی اداکارہ فلم کی تکمیل کے لیے شوٹنگ میں مصروف ہیں تاہم اداکاری کے ساتھ ساتھ اداکارہ کا منفرد نام ہر جگہ موضوع بحث ہے۔

اداکارہ ماورا کا ایکسپریس ٹریبیون کو دیئے گئے اپنے انٹرویو میں کہنا تھا کہ میری کلاس میں ''حسین'' نام کے کئی لوگ موجود تھے لیکن میں سب سے الگ نام رکھنا چاہتی تھی جس پر میں نے اپنے خاندانی نام ''حسین'' کو انگریزی حروف میں ''ایس ''کی بجائے'' سی'' لفظ کی تبدیلی کی تاہم اساتذہ نے صحیح حروف پوچھنے کی بجائے نام ہی مٹا دیا جس کے باعث تمام تعلیمی اسناد میں میرا نام ماورا حسین کی بجائے صرف ''مروہ '' درج ہے اسی وجہ سے والدین نے سرزنش بھی کی ۔ اداکارہ کا کہنا تھا کہ نام کی تبدیلی کے وقت سوچا نہیں تھا ایک دن شہرت حاصل کروں گی اور لوگ نام کے حوالے سے پوچھیں گے۔

واضح رہے کہ اداکارہ مروہ حسین کی فلم ''صنم تیری قسم'' 8 جنوری 2016 میں ریلیز ہوگی۔