سعید اجمل کی اپنی کرکٹ اکیڈمی کی زمین پرقبضہ کے خلاف لاہور ہائی کورٹ میں درخواست

آف اسپنر سعید اجمل نے فیصل آباد میں اپنی کرکٹ اکیڈمی کے لئے الاٹ کی گئی زمین سے قبضہ چھڑانے کے لئے ہائی کورٹ سے رجوع کرلیا ہے۔


سعید اجمل نے لاہور ہائی کورٹ میں اپنی درخواست میں کہا ہے کہ انہوں نے فیصل آباد کی ضلعی حکومت کے ساتھ کرکٹ اکیڈمی اورگراؤنڈ بنانے کے لئے ایم او یو پر دستخط کیے ہیں لیکن اس زمین پر بااثر قبضہ مافیا نے ناصرف قبضہ جمالیا ہے بلکہ اس زمین کو فروخت بھی کیا جارہا ہے۔

جادوگربالرسعید اجمل نے عدالت سے درخواست کی ہے کہ انہیں بچوں کو کرکٹ کے اسرار و رموز سکھانے کے لئے اکیڈمی کو فعال کرنا ہے اس لئے عدالت عالیہ زمین پر قبضہ ختم کرائے۔