کراچی کرکٹ کے معیار میں بہتری کی تجاویز دینے کے لیے سابق کرکٹرز مدعو

تمام شرکا نیشنل اسٹیڈیم میں واقع کے سی سی اے آفس میں شام چار بجے جمع ہو کر اس حوالے سے اپنا نقطہ نظر بیان کریں گے. فوٹو فائل

---

شہر کی کرکٹ کے معیار میں بہتری کیلیے کراچی سٹی کرکٹ ایسوسی ایشن نے جمعرات 25 اکتوبر کو سابق ٹیسٹ، فرسٹ کلاس کرکٹرز اور کوچز کومدعو کرلیا۔

تمام شرکا نیشنل اسٹیڈیم میں واقع کے سی سی اے آفس میں شام چار بجے جمع ہو کر اس حوالے سے اپنا نقطہ نظر بیان کریں گے،صدر سراج الاسلام بخاری کی جانب سے مدعو کیے جانے والوں میں اقبال قاسم، سلیم جعفر، راشد لطیف،معین خان، باسط علی، توصیف احمد، جلال الدین، منصور اختر، اعظم خان، عتیق الرحمان، الیاس خان، امین لاکھانی، شوکت مرزا، اکبرعالم، ظفراحمد، مہندر کمار، بھرت کمار، ایم منصور، عاصم رضوی، طاہر محمود، اقبال امام، عامر اقبال، شکیل سجاد، ساجد علی اور ظفرچوہدری شامل ہیں۔