انڈر19کرکٹ راولپنڈی نے کراچی بلوزکو 259 رنزکے بھاری مارجن سے شکست دیدی

فیصل آباد کیخلاف لاہور شالیمار نے 7 وکٹ سے کامیابی حاصل کی. فوٹو: فائل

---

انٹرریجن، ڈپارٹمنٹ انڈر19سہ روزہ کرکٹ ٹورنامنٹ میں راولپنڈی نے کراچی بلوزکو259 رنزکے بھاری مارجن سے شکست دے دی۔

پہلی باری میں 77 پر ڈھیر ہونے والی کراچی بلوز نے 312 کا ہدف دیکھ کر ہی ہتھیار ڈال دیے، پوری ٹیم 21 اوورز میں 52 پر آئوٹ ہوگئی، عابد نے 4، توثیق شاہ نے 3 اور حفیظ الرحمان نے 2 کھلاڑیوں کو آئوٹ کیا، لانڈھی گرائونڈ پر منعقدہ کراچی وائٹس اور حیدرآباد کا مقابلہ ڈرا ہوگیا، بہاولپور نے کوئٹہ کو 74رنز سے ہرادیا۔

فیصل آباد کیخلاف لاہور شالیمار نے 7 وکٹ سے کامیابی حاصل کی، پی آئی اے اور این بی پی کا مقابلہ بھی ہارجیت کے بغیر ختم ہوا، اسٹیٹ بینک اور زیڈ ٹی بی ایل جبکہ پورٹ قاسم اور کے آر ایل کے میچز بھی نتیجہ خیز ثابت نہیں ہوئے، سیالکوٹ نے لاہور راوی کو 10 وکٹ سے ہرایا۔