پنجاب میں ایک مرتبہ پھر ڈینگی وائرس سر اٹھانے لگا اور راولپنڈی، اسلام آباد کے بعد ملتان میں بھی ڈینگی کے وار جاری ہیں اور مزید 11 افراد میں ڈینگی کی تصدیق ہوگئی۔

ایکسپریس نیوز کے مطابق ملتان میں مزید 11 افراد میں ڈینگی وائرس کی تصدیق ہوگئی جس کے بعد شہر بھر میں ڈینگی سے متاثرہ مریضوں کی تعداد 31 ہوگئی جنہیں طبی امداد دی جارہی ہے۔ دوسری جانب راولپنڈی اور اسلام آباد میں بھی ڈینگی وائرس تیزی سے پھیلتا جارہا ہے اور راولپنڈی کی مختلف اسپتالوں میں ڈینگی بخار میں مبتلا مریجوں کی تعداد 1900سے تجاوز کرگئی ہیں۔