بھارت میں پاکستان مخالف مہم کے خلاف بھارتی شہری بھی آواز اٹھانے لگے

شہریوں نے سماجی رابطے کی ویب سائٹ پر امن کا پرچار کرنے کیلیے پروفائل بنائی جس میں پاکستان سے محبت کا اظہار کیا۔

---

بھارتی انتہا پسندوں کی جانب سے پاکستان مخالف جذبات کے خلاف اب بھارتی شہریوں کے صبر کا پیمانہ بھی لبریز ہوگیا ہے اور اب شہریوں نے سماجی رابطے کی ویب سائٹ پر (ProfileforPeace#) ہیش ٹیگ کے نام سے مہم شروع کردی ہے جس میں پاکستان سے محبت کا اظہار بھی کیا گیا ہے۔

پاکستان اور بھارت کے درمیان گزشتہ کئی مہینوں سے صورتحال کافی کشیدہ نظر آرہی ہے چاہے بات کنٹرول لائن کی ہو یا سفارتی سطح کے تعلقات کی، دونوں ہی سطح پر بھارت کی جانب سے پاکستان دشمن کے حدیں پار کی جارہی ہیں اور بالخصوص بھارت میں ہندو انتہا پسند تنظیم شیوسینا نے پاکستانیوں سمیت بھارت کے رہائشی مسلمانوں کے خلاف بھی محاذ کھول رکھا ہے۔

شیو سینا نے نہ صرف پاکستانی سیاستدانوں بلکہ فنکاروں اور کھلاڑیوں پر بھی بھارت کے دروازے بند کردیئے ہیں جب کہ بھارت کے رہائشی مسلمانوں کو طرح طرح کے الزامات لگا کر قتل بھی کیا جارہا ہے ایسے میں سیکولر ہونے والے دعوے دار بھارت کے شہری بھی اٹھ کھڑے ہوئے ہیں۔

بھارت میں مودی سرکار کی مجرمانہ خاموشی اور شیوسینا کے ہتھکنڈوں پر اب بھارتی شہریوں نے اپنی آواز اٹھانا شروع کردی ہیں جس میں سماجی رابطے کی سائٹ ٹوئٹر پر پروفائل فار پیس (ProfileforPeace#) کے نام سے ہیش ٹیگ شروع کیا گیا ہے جس میں بھارتی شہریوں کی بڑی تعداد نے ہاتھ میں پرچی تھامے سمیت مختلف طریقوں سے امن کا پرچار کیا جس میں کہا گیا کہ ''ہم ہندوستانی ہیں اورپاکستان سے نفرت نہیں کرتے۔''

Wonderful initiative #ProfileForPeace #speakup . Hats off
A Tight Slap to Suwer Sena. 😆😆 pic.twitter.com/13jx699uFU

— Bhakt Tak (@BhaktTak) October 24, 2015

پاکستان مخالف جذبات کے خلاف شروع کی جانے والی اس مہم میں بھارت سے بے شمار لوگ پاکستان سے اپنی محبت کا اظہار کررہے ہیں جب کہ بھارت کے شہریوں کی اس محبت کے جواب میں پاکستانی بھی کسی سے پیچھے نہیں اور بھارت سے اپنی محبت کا اظہار کرتے ہوئے اپنی تصاویر پوسٹ کی ہیں جن پر لکھا ہے کہ ہم پاکستانی ہیں اور بھارت سے محبت کرتے ہیں۔

I did. What abt u? @anirbanblah @tweetfromRaghu @Vidyut @ipathak25 @madhukishwar @sonalndtv #ProfileForPeace pic.twitter.com/PABorIrJve

— Arshi Yasin (@arshi_yasin) October 23, 2015

واضح رہے کہ گزشتہ ہفتے پی سی بی کے چیر مین شہریار خان بھارت میں بھارتی کرکٹ حکام سے پاک بھارت کرکٹ کے سلسلے میں بات چیت کے لیے گئے تھے جہاں شیو سینا نے بی سی سی آئی کے دفتر پر دھاوا بول دیا تھا جب کہ شیو سینا کی جانب سے پاکستانی فنکاروں اور کھلاڑیوں کو بھی دھمکیاں دی جارہی ہیں۔