امریکی شہر نیویارک میں چوہوں کا راج انتظامیہ بے بس

نيويارك شہر میں چوہوں کی آبادی 20 لاکھ سے تجاوز کرگئی ہے، سروے فوٹو : فائل

---

SUKKUR: امریکی شہر نیویارک میں چوہوں نے قبضہ کرلیا ہے جس کی وجہ سے شہریوں کا جینا دوبھر ہوگیا ہے جب کہ انتظامیہ اس مسئلے سے نمٹنے میں ناکام نظر آرہی ہے۔

امریکا کا شمار دنیا کے ترقی یافتہ ممالک میں ہوتا ہے جہاں دنیا بھر کی جدید سے جدید ٹیکنالوجی موجود ہے لیکن دنیا کے اس سپر پاور ملک کے اہم شہر پر چوہوں نے قبضہ کرلیا ہے جن کو ختم کرنے میں انتظامیہ بھی بے بس نظر آتی ہے، نیو یارک شہر میں چوہے اس قدر بے خوف اور دلیر ہوگئے ہیں کہ سڑکوں اور پارکوں میں دندناتے پھر رہے ہیں اور لوگوں کا جینا دو بھر کردیا جس کی وجہ سے لوگوں نے پارکوں میں جانا چھوڑديا ہے۔

ميئر آفس نيويارك کے مطابق انہیں اس سال چوہوں کے حوالے سے لوگوں کی 24 ہزار سے زائد كاليں موصول ہوچكی ہيں جب کہ ایک سروے کے مطابق صرف نيويارك شہر میں چوہوں کی آبادی 20 لاکھ سے تجاوز کرگئی ہے لیکن انتظامیہ ان پر قابو پانے میں ناکام ہے۔