بالی ووڈ فلم ’’میں اور چارلس‘‘ میں علی عظمت کا گانا بھی شامل

اداکار رندیپ ہوڈا کی 30 اکتوبر کو ریلیز ہونے والی فلم ''میں اور چارلس'' میں پاکستانی گلوکار علی عظمت کی آواز میں ایک گانا ''میں تو یہیں ہوں لیکن'' بھی شامل ہے۔


علی عظمت اس سے قبل ''جسم ٹو'' اور ''پاپ'' میں بھی اپنی آواز کا جادو جگا چکے ہیں ۔علی عظمت کے علاوہ ''بے بی ڈول '' فیم کنیکاکپور کا بھی ایک گانا ''جب چاہے میرا جادو'' بھی شامل ہے ۔ میوزک 15 اکتوبر کو لانچ کیا گیا تھا۔ علی عظمت اس کے علاوہ ہدایتکار فاروق مینگل کی فلم ''ہجرت'' کے لیے بھی دوگانے گائے ہیں جن میں سے ایک آئٹم سانگ اور دوسرا راحت فتح علی خان کے ساتھ ہے۔