لاہور میں پی ٹی آئی اور ن لیگی کارکنوں میں تصادم سے نوجوان ہلاک7زخمی

،پی ٹی آئی کے رہنما چوہدری سرور اورعبدالعلیم خان تھانہ یکی گیٹ پہنچ گئے۔ فوٹو: فائل

---

یکی گیٹ میں تحریک انصاف اور مسلم لیگ (ن) کے کارکنوں میں تصادم اور فائرنگ سے ایک نوجوان ہلاک جبکہ ایک بچے سمیت 7 افراد زخمی ہوگئے۔

ذرائع کا کہنا ہے کہ ہلاک ہونیوالا تحریک انصاف کا کارکن ہے ۔فائرنگ سے علاقے میں شدید خوف وہراس پھیل گیا اور موقع پر موجود افرا دنے بھاگ کر جانیں بچائیں۔فائرنگ کے بعد ملزمان موقع سے فرار ہوگئے۔تمام زخمیوں کواسپتال منتقل کردیا گیا ہے جہاں دو کی حالت نازک ہے۔ یکی گیٹ کے علاقہ یونین کونسل نمبر33میں بلدیاتی الیکشن کی کمپین کے دوران تحریک انصاف اور مسلم لیگ ن کے کارکنوں میں تصادم کے دوران پہلے ڈنڈے سوٹے چلے اور پھرفائرنگ کا تبادلہ ہواجس سے خرم شہزاد نامی نوجوان ہلاک جبکہ سات افراد زخمی ہوگئے۔ اطلاع ملتے ہی پولیس کی بھاری نفری اور تحریک انصاف کے ایم این اے شفقت محمود موقع پرجبکہ ڈی آئی جی آپریشنز ڈاکٹر حیدر اشرف،پی ٹی آئی کے رہنما چوہدری سرور اورعبدالعلیم خان تھانہ یکی گیٹ پہنچ گئے۔