ملالہ سے ہمدردی پرافغان رکن پارلیمنٹ کی کرزئی پرتنقید

عالمی امن ایوارڈیافتہ پاکستانی طالبہ ملالہ یوسف زئی کودنیابھرکی طرح افغان حکومت کی جانب سے ملنے والی ہمدردیوں کے بعدافغان عوام اورسول سوسائٹی سراپااحتجاج ہیں۔


ایک خاتون رکن پارلیمنٹ کا کہناہے کہ صدرکرزئی اورعالمی برادری کوافغانستان میںخواتین اورمعصوم بچیوںکیساتھ آئے روز ہونیوالے مظالم نظرکیوں نہیں آتے؟ غیر ملکی خبررساںادارے کے مطابق افغان رکن پارلیمنٹ علی ارشادنے کہاکہ ہر روز افغانستان میںخواتین کیساتھ ریپ ، جبری شادی،تیزاب پھینکنے جیسے واقعات ہوتے ہیں۔افغان حکومت نے عالمی برادری کے ساتھ مل کر پاکستانی طالبہ ملالہ یوسف زئی کیساتھ توہمدردی کی لیکن اپنے ملک کی خواتین کے ساتھ مظالم کے بارے میں کیا سوچاہے۔ اگرکرزئی افغان خواتین کے معاملے میںسنجیدہ نہیں توانھیں اچانک ملالہ یوسفزئی سے ہمدردی کیسے پیدا ہوگئی ۔