بلاول بھٹو زرداری کا انکلوں سے جان چھڑانے کا پروگرام
کرپشن میں ملوث انکل صاحبان کو مرحلہ وار پارٹی عہدوں سے فارغ کر دیا جائے گا، ذرائع
کرپشن میں ملوث انکل صاحبان کو مرحلہ وار پارٹی عہدوں سے فارغ کر دیا جائے گا، ذرائع ۔ فوٹو: فائل
پیپلز پارٹی کے چیئرمین بلاول بھٹو زرداری نے انکلوں سے جان چھڑانے کا پروگرام بنا لیا ہے جس کے تحت کرپشن میں ملوث انکل صاحبان کو مرحلہ وار پارٹی عہدوں سے فارغ کردیا جائے گا۔
ذرائع کے مطابق پیپلز پارٹی میں جلد اعلیٰ عہدوں میں تبدیلی کرکے تمام بڑے عہدوں پر بیٹھے سینئر رہنماؤں کو ہٹا کر ان کی جگہ نوجوان اور تجربے کار لوگوں کو لانے کا پروگرام بنایا جا رہا ہے۔ اس حوالے سے آئندہ سینٹرل ایگزیکٹو کمیٹی کے اجلاس میں فیصلہ کیا جائیگا۔ ذرائع کا کہنا ہے کہ اجلاس میں اہم فیصلے کیے جائیں گے جب کہ ضمنی الیکشن کے حوالے سے بنائی گئی کمیٹی اپنی رپورٹ پیش کرے گی کہ پیپلز پارٹی کو این اے 122 کے حلقے سے اتنے کم ووٹ پڑنے کی وجہ کیا تھی، اس اجلاس میں ہی شریک چیئرمین آصف زرداری کے حوالے سے پارٹی عہدے کا فیصلہ کیا جائے گا کہ وہ پیپلزپارٹی میں کون سے عہدے کے طلب گار ہیں۔
ذرائع کے مطابق پیپلز پارٹی میں جلد اعلیٰ عہدوں میں تبدیلی کرکے تمام بڑے عہدوں پر بیٹھے سینئر رہنماؤں کو ہٹا کر ان کی جگہ نوجوان اور تجربے کار لوگوں کو لانے کا پروگرام بنایا جا رہا ہے۔ اس حوالے سے آئندہ سینٹرل ایگزیکٹو کمیٹی کے اجلاس میں فیصلہ کیا جائیگا۔ ذرائع کا کہنا ہے کہ اجلاس میں اہم فیصلے کیے جائیں گے جب کہ ضمنی الیکشن کے حوالے سے بنائی گئی کمیٹی اپنی رپورٹ پیش کرے گی کہ پیپلز پارٹی کو این اے 122 کے حلقے سے اتنے کم ووٹ پڑنے کی وجہ کیا تھی، اس اجلاس میں ہی شریک چیئرمین آصف زرداری کے حوالے سے پارٹی عہدے کا فیصلہ کیا جائے گا کہ وہ پیپلزپارٹی میں کون سے عہدے کے طلب گار ہیں۔