امپائر علیم ڈار کا بھی زلزلہ متاثرین کیلیے 10لاکھ روپے امداد کا اعلان

زلزلہ متاثرین کی بحالی کیلیے اپنی حیثیت کے مطابق حصہ ڈالیں، علیم ڈار کی قوم سے اپیل۔ فوٹو: فائل

---

شاہد آفریدی کے بعد آئی سی سی ایلیٹ پینل امپائر علیم ڈار نے بھی زلزلہ متاثرین کیلیے 10لاکھ روپے امداد کا اعلان کر دیا۔

ٹی ٹونٹی کپتان اور مایہ ناز آل راؤنڈر شاہد آفریدی 50 لاکھ امداد کا اعلان کر چکے ہیں اور اب علیم ڈار نے بھی متاثرین کیلیے 10لاکھ امداد دینے کا اعلان کرتے ہوئے قوم سے اپیل کی ہے کہ زلزلہ متاثرین کی بحالی کیلیے اپنی حیثیت کے مطابق حصہ ڈالیں۔

26 اکتوبر کو آنے والے زلزلے میں سب سے زیادہ متاثرہ خیبر پختونخوا اور ملک کے بالائی علاقے ہوئے، زلزلہ متاثرین کی امداد کے لئے وفاقی و صوبائی حکومتوں کے ساتھ ساتھ ملک کی تمام سیاسی جماعتیں، فلاحی ادارے اور مخیر حضرات کی جانب سے متاثرین کی امداد کی جا رہی ہے۔