قصوری کی کتاب کی تقریب رونمائی پرشیوسینا کے سامنے ڈٹ جانیوالے کلکرنی پاکستان آئیں گے

شیو سینا کے خلاف کلکرنی کے جرأت مندانہ مؤقف کونا صرف پاک بھارت ذرائع ابلاغ بلکہ عالمی میڈیا میں بھی سراہا گیا تھا:فوٹو: اے ایف پی/فائل

---

ممبئی میں خورشید محمود قصوری کی کتاب کی تقریب رونمائی پر شیو سینا کی غنڈہ گردی کے سامنے ڈٹ جانیوالے سدھیندرا کلکرنی اگلے ہفتے پاکستان آئیں گے۔

آبزرور ریسرچ فاؤنڈیشن بھارت کے چیئرمین سدھیندرا کلکرنی نے خورشید قصوری کی طرف سے ان کی کتاب ''Neither A Hawk, Nor A Dove' 'کی 2 نومبر کو کراچی میں ہونیوالی تقریب رونمائی میں شرکت کی دعوت قبول کرلی ہے،شیو سینا کے خلاف کلکرنی کے جرأت مندانہ مؤقف کو نا صرف پاکستانی اور بھارتی ذرائع ابلاغ بلکہ عالمی میڈیا میں بھی سراہا گیا تھا۔

واضح ر ہے کہ سابق پاکستانی وزیرخارجہ خورشید محمود قصوری کی بھارت میں کتاب کی رونمائی سے قبل ہندو انتہا پسند تنظیم کے غنڈوں نے کتاب کے آرگنائزرسدھندا کے منہ پر کالک مل دی تھی۔