چین نے ایک بچہ پیدا کرنے کی پالیسی ختم کردی

ایک بچے کی پیدائش کی پالیسی کی وجہ معیشت پرپڑنے والے بوجھ کو کم کرنا اوراقتصادی ترقی کو بڑھانا تھا۔ فوٹو:فائل

---

لاہور: کمیونسٹ پارٹی کے اعلان کے مطابق چین نے ایک بچہ پیدا کرنے کی پالیسی ختم کردی اور اب کسی بھی خاندان کو 2 بچے پیداکرنےکی آزادی ہوگی۔

غیرملکی خبررساں ادارے کے مطابق حکمراں جماعت کمیونسٹ پارٹی کا چین نے دارالحکومت بیجنگ میں 4 روز سے جاری اجلاس کے بعد 5 سالہ منصوبے میں ایک بچہ پیداکرنے کی پابندی ختم کرنے کی منظوری دے دی اوراب کسی بھی جوڑے کو 2 بچے پیدا کرنے کی آزادی ہوگی جب کہ ایک بچے کی پیدائش کی پالیسی معیشت پر پڑنے والے بوجھ کو کم کرنے اوراقتصادی ترقی کو بڑھانا تھا۔

واضح ر ہے کہ ایک بچے کی پیدائش کی پالیسی کے پیش نظراگر کسی خاندان میں بچوں کی تعداد زیادہ ہو جائے تو اس خاندان کوسرکاری سطح پرمتعدد سہولتوں سے محروم رکھنے سمیت والدین کو بچوں کی پرورش کا بوجھ بھی خود اٹھانا پڑتا تھا، اس کے علاوہ خاندان کو سرکار کے بھاری جرمانوں کا بھی سامنا کرنا پڑتا تھا۔