محکمہ انسداد دہشت گردی نے ڈالمیا اور نیوکراچی میں کارروائی کے دوران 2 ٹارگٹ کلرز کو گرفتار کرلیا۔

ایس ایس پی کاؤنٹرٹیررازم ڈیپارٹمنٹ جنید شیخ کے مطابق کراچی کے علاقے ڈالمیا اور نیو کراچی میں کارروائی کرکے 41 افراد کی ٹارگٹ کلنگ میں ملوث 2 ملزمان کو گرفتار کیا گیا جن کے قبضے سے اسلحہ بھی برآمد کیا گیا ہے ۔ ایس ایس پی نے بتایا کہ گرفتار ملزمان کا تعلق مذہبی جماعت اور لیاری گینگ وار سے ہے جب کہ ملزم شاہد قادری نے 17 افراد کے قتل اور ملزم عادل نے 24 افراد کے قتل کا اعتراف کیا ہے۔