سندھ ہائیکورٹ کے 9 ایڈیشنل ججز نے حلف اٹھالیا

چیف جسٹس سندھ ہائی کورٹ جسٹس فیصل عرب نےہائی کورٹ کےایڈیشنل ججزسےحلف لیا:فوٹو:فائل

---

چیف جسٹس سندھ ہائی کورٹ جسٹس فیصل عرب نے ہائی کورٹ کے 9 ایڈیشنل ججزسےحلف لے لیا جس کے بعد ججز کی مجموعی تعداد 34 ہوگئی۔

ایکسپریس نیوزکے مطابق کراچی میں سندھ ہائیکورٹ میں ایڈیشنل ججز کی حلف برداری کی تقریب منعقد ہوئی۔ اس موقع پر چیف جسٹس سندھ ہائیکورٹ جسٹس فیصل عرب سمیت سندھ ہائی کورٹ بار، کراچی بار، ملیرباراورسندھ بارکونسل کےعہدے داروں نے شرکت کی۔

تقریب میں چیف جسٹس سندھ ہائی کورٹ جسٹس فیصل عرب نے ہائی کورٹ کےایڈیشنل ججزسےحلف لیا جن میں غلام قادر، عبدالغنی سومرو، محمد اقبال مہر، خادم حسین شیخ، ذوالفقاراحمد خان، محمود احمد خان، محمد کریم خان آغا، محمد انور حسین اور محمد فیصل کمال نے بطور ایڈیشنل ججز کا حلف اٹھایا جس کے بعد سندھ ہائیکورٹ میں ججز کی مجموعی تعداد 34 ہوگئی۔