عمران خان نے اپنی اہلیہ ریحام خان کو طلاق دیدی

ریحام خان بنی گالہ میں تحریک انصاف کی سرگرمیوں سے بہت پریشان تھیں، ذرائع فوٹو:فائل

---

چیئرمین تحریک انصاف عمران خان اور ریحام خان کے درمیان باہمی مشاورت کے بعد طلاق ہوگئی۔

ایکسپریس نیوز کے مطابق عمران خان اور ریحام خان کے درمیان چپقلش کے بعد باہمی مشاورت کے بعد طلاق ہوگئی جب کہ ترجمان تحریک انصاف نعیم الحق نے طلاق کی تصدیق کرتے ہوئے بتایا ہے کہ یہ بہت تکلیف دہ بات ہے اور دونوں کے درمیان طلاق ہوچکی ہے تاہم عمران خان کہتے ہیں میڈیا اس خبر پر قیاس آرائیوں سے گریز کرے اور میڈیا اس خبرکواسی حد تک چلائےجتنی بتائی گئی ہے۔ ان کا کہنا تھا کہ عمران خان اورریحام خان میں طلاق باہمی رضامندی سے ہوئی اور طلاق دینے کا فیصلہ نہایت حساس اور سنجیدہ مسئلے پر کیا گیا ہے۔

ریحام خان سے علیحدگی کیا عمران خان کی سیاست پر اثرانداز ہوگی؟

— Express News (@ExpressNewsPK) October 30, 2015

دوسری جانب ذرائع کا کہنا ہے کہ ریحام خان بنی گالہ میں تحریک انصاف کی سرگرمیوں سے بہت پریشان تھیں اور انہوں نے اسد عمر کا داخلہ بھی بنی گالہ میں بند کردیا تھا اور گزشتہ 2 روز قبل ریحام عالمی کانفرنس میں شرکت کے لئے برطانیہ روانہ ہوگئی تھیں۔

واضح رہے کہ چیئرمین تحریک انصاف عمران خان اور ریحام خان کی شادی رواں سال 8 جنوری کو سادگی سے ہوئی تھی اور 9 ماہ 22 روز بعد اس جوڑے کے راستے جدا ہوگئے۔

www.dailymotion.com/embed/video/x3bknfl