عامر خان کھیلوں سے پاک بھارت روابط بہتر بنانے کے خواہاں
دونوں ممالک کو کرکٹ سمیت مختلف گیمز کھیلتے رہنا چاہیئے، پاکستانی نژاد برطانوی باکسر
عامر نے بھارت میں ابتدائی طور پر دو باکسنگ اکیڈمیز بھی قائم کرنے کا اعلان کردیا۔ فوٹو: فائل
برطانوی باکسر عامر خان کھیلوں کے ذریعے پاکستان اور بھارت کے روابط بہتر بنانے کے خواہاں ہیں، ان کا کہنا ہے کہ دونوں ممالک کو کرکٹ سمیت مختلف کھیل کھیلتے رہنا چاہیے۔
تفصیلات کے مطابق عامر خان ان دنوں بھارت کے دورے پر ہیں،وہ کھیلوں کے ذریعے دونوں ممالک کو ایک دوسرے کے قریب لانے کے خواہاں اور کرکٹ کے ساتھ باکسنگ کو بھی ایک وجہ بنانا چاہتے ہیں۔ انھوں نے کہاکہ پاکستان اور بھارت کو ایک دوسرے کے ساتھ اسپورٹس کا تعلق بحال رکھنا چاہیے کیونکہ اسی سے ہم غلط چیزوں کو درست کرسکتے ہیں، باکسنگ اور کرکٹ سمیت کوئی بھی کھیل ممالک کو ایک دوسرے کے قریب لانے میں اہم کردار ادا کرتا ہے۔
ایک باکسر ہونے کے ناطے میں سمجھتا ہوں کہ باکسنگ لوگوں کے سوچنے کا انداز تبدیل کرسکتی ہے۔ انھوں نے کہا کہ اکیڈمیزکا قیام، باکسنگ شوز اور ایونٹس کے انعقاد سے ہی ہم رکاوٹوں کو دور کرسکتے ہیں، جونفرت سیاسی محاذ پر ہے اس کا صرف اسپورٹس سے ہی خاتمہ ممکن ہوگا۔
عامر خان نے کہا کہ میں کئی مرتبہ پاکستان گیا اور چاہتا ہوں کہ اور بھی لوگ دونوں ممالک کے دورے کرتے رہیں میں سمجھتا ہوں کہ پاکستان اور بھارت کو ایک دوسرے کے ساتھ کرکٹ بھی کھیلنی چاہیئے۔ ہمیں ایک دوسرے سیکھنے کی ضرورت ہے، یہ منظر ہی کتنا زبردست ہوتا ہے جب دونوں ممالک کے شائقین ایک جگہ بیٹھ کراپنی ٹیم کو سپورٹ کرتے ہیں۔
عامر خان نے کہا کہ ہم دہلی اور ممبئی میں اکیڈمیز قائم کررہے ہیں، پاکستان میں 5 اکیڈمیز کی اوپننگ ہونے والی جب کہ ایک ہم دوحا میں بھی بنا رہے ہیں۔
تفصیلات کے مطابق عامر خان ان دنوں بھارت کے دورے پر ہیں،وہ کھیلوں کے ذریعے دونوں ممالک کو ایک دوسرے کے قریب لانے کے خواہاں اور کرکٹ کے ساتھ باکسنگ کو بھی ایک وجہ بنانا چاہتے ہیں۔ انھوں نے کہاکہ پاکستان اور بھارت کو ایک دوسرے کے ساتھ اسپورٹس کا تعلق بحال رکھنا چاہیے کیونکہ اسی سے ہم غلط چیزوں کو درست کرسکتے ہیں، باکسنگ اور کرکٹ سمیت کوئی بھی کھیل ممالک کو ایک دوسرے کے قریب لانے میں اہم کردار ادا کرتا ہے۔
ایک باکسر ہونے کے ناطے میں سمجھتا ہوں کہ باکسنگ لوگوں کے سوچنے کا انداز تبدیل کرسکتی ہے۔ انھوں نے کہا کہ اکیڈمیزکا قیام، باکسنگ شوز اور ایونٹس کے انعقاد سے ہی ہم رکاوٹوں کو دور کرسکتے ہیں، جونفرت سیاسی محاذ پر ہے اس کا صرف اسپورٹس سے ہی خاتمہ ممکن ہوگا۔
عامر خان نے کہا کہ میں کئی مرتبہ پاکستان گیا اور چاہتا ہوں کہ اور بھی لوگ دونوں ممالک کے دورے کرتے رہیں میں سمجھتا ہوں کہ پاکستان اور بھارت کو ایک دوسرے کے ساتھ کرکٹ بھی کھیلنی چاہیئے۔ ہمیں ایک دوسرے سیکھنے کی ضرورت ہے، یہ منظر ہی کتنا زبردست ہوتا ہے جب دونوں ممالک کے شائقین ایک جگہ بیٹھ کراپنی ٹیم کو سپورٹ کرتے ہیں۔
عامر خان نے کہا کہ ہم دہلی اور ممبئی میں اکیڈمیز قائم کررہے ہیں، پاکستان میں 5 اکیڈمیز کی اوپننگ ہونے والی جب کہ ایک ہم دوحا میں بھی بنا رہے ہیں۔