دہشتگردی کیخلاف جوبہتر ہے کر رہے ہیں امریکا کوجوابدہ نہیں چوہدری نثار

پاکستان کی سر زمین سے ہرقسم اور ہررنگ کے دہشت گردوں کا مکمل خاتمہ کرکے دم لیں گے، چوہدری نثار۔ فوٹو: فائل

---

وفاقی وزیر داخلہ چوہدری نثار علی خان نے کہا ہے کہ دہشت گردی کے خلاف جو بہترہے کررہے ہیں، امریکا سمیت کسی بھی ملک کو جوابدہ نہیں ہیں۔

ایرانی خبر رساں ادارے کو دیئے گئے انٹرویو میں چوہدری نثار کا کہنا تھا کہ ایران سے ملحق سرحد کی مکمل نگرانی ناممکن ہے، مشترکہ دشمنوں کے خلاف لڑنے کے لیے پاکستان اور ایران کے درمیان قریبی اورمضبوط تعلقات ناگزیر ہیں۔

وفاقی وزیر داخلہ نے کہا کہ پاکستان کی سر زمین سے ہرقسم اور ہررنگ کے دہشت گردوں کا مکمل خاتمہ کرکے دم لیں گے، کچھ مقامی دہشت گرد تنظیموں کے داعش سے رابطے ہوسکتے ہیں تاہم داعش کا پاکستان میں کوئی وجود نہیں۔