لاڑکانہ میں مسافرویگن کی ٹکر سے 3 افراد جاں بحق

واقعے کے بعد ڈرائیور فرار ہوگیا فوٹو : فائل

---

رتو ڈیرو میں بس اسٹاپ پر تیز رفتار بس کی ٹکر سے 3 افراد جاں بحق جب کہ 4 زخمی ہوگئے۔

ایکسپریس نیوز کے مطابق لاڑکانہ کے نواحی قصبے رتو ڈیرو میں لنک روڈ پر تیز رفتار بس بے قابو ہوکر سڑک کنارے کھڑے افراد پر چڑھ گئی، جس کے نتیجے میں 3 افراد موقع پرہی جاں بحق جب کہ 4 زخمی ہوگئے۔

حادثے کے نتیجے میں مرنے والوں کی لاشوں اور زخمیوں کو قریبی اسپتال منتقل کردیا گیا جہاں جاں بحق افراد کی شناخت منوربھٹو، غلام رسول اورشعیب سومرو کے نام سے ہوئی، لاشوں کو ضابطے کی کارروائی کے بعد لواحقین کے حوالے کردیا گیا ہے۔

پولیس کا کہنا ہے کہ حادثہ ویگن کے بریک فیل ہوجانے کا نتیجہ معلوم ہوتا ہے، واقعے کے بعد ڈرائیور فرار ہوگیا ہے تاہم ویگن کو قبضے میں لے کر قانونی کارروائی شروع کردی گئی ہے۔