کراچی میں مبینہ پولیس مقابلے کے دوران ٹارگٹ کلر ہلاک

فراز قتل، اقدام قتل اور جرائم کی دیگر وارداتوں میں پولیس کو مطلوب تھا فوٹو: فائل

---

لاہور: گلستان جوہر میں پولیس کے ساتھ مقابلے میں مبینہ ٹارگٹ کلر ہلاک ہوگیا۔

ایس ایس پی کراچی شرقی جاوید جسکانی کے مطابق پولیس نے گلستان جوہر بلاک 17 میں جرائم پیشہ افراد کی موجودگی کی مصدقہ اطلاعات پرکارروائی کی توملزم نے فائرنگ کردی، جوابی کارروائی میں ملزم موقع پر ہی ہلاک ہوگیا۔

جاوید جسکانی کا کہنا ہے کہ مقابلے میں ہلاک ہونے والے ملزم کی شناخت فراز کے نام سے ہوئی ہے جو قتل، اقدام قتل اور جرائم کی دیگر وارداتوں میں پولیس کو مطلوب تھا۔ فراز گلستان جوہر میں ایک شخص کے قتل کی ایف آئی آر میں بھی نامزد تھا اور اس ایک ساتھی علی پہلے ہی گرفتار ہوچکا ہے۔