وزیراعظم کی زلزلہ متاثرین کو فوری امدادی چیک فراہم کرنے کی ہدایت

متوقع ٹھنڈ کے پیش نظرزلزلہ متاثرین کو فوری رقم فراہم کرکے ان کے گھروں کی جلد تعمیر جلد کی جائے،وزیراعظم ۔ فوٹو: پی آئی ڈی

---

CAIRO: وزیراعظم نواز شریف نے كہا ہے كہ حكومت كی جانب سے كوئی بھی معاوضہ زلزلے میں جاں بحق ہونے والے انسانوں كی جانوں كا نعم البدل نہیں ہو سكتا تاہم یہ متاثرہ خاندانوں كی مشكلات میں كمی كے لیے ایك تعاون ہے۔



وزیراعظم نے دیر لوئر میں تیمرگرہ اور باجوڑ ایجنسی كے ہیڈ كوارٹر خار میں زلزلہ متاثرین میں امدادی چیک تقسیم کیے، اس موقع پر گورنر خیبر پختونخوا سردار مہتاب احمد خان، وزیراعلیٰ خیبر پختونخوا پرویز خٹک، وزیر اطلاعات پرویز رشید اور وزیراعظم كے مشیر انجینئر امیر مقام بھی موجود تھے جب کہ تقریب سے خطاب میں وزیراعظم نے كہا كہ زلزلے كی صورت میں جو آفت آئی ہے اس سے ہونے والے نقصانات خصوصاً انسانی جانوں كے ضیاع پر شدید دكھ اور افسوس ہوا اور وہ اللہ تعالیٰ سے مرحومین كی مغفرت اور پسماندگان كے صبر جمیل كے لئے دعا گو ہیں۔



وزیراعظم نے كہا كہ بچھڑ جانے والوں كا دكھ بھلایا نہیں جا سكتا اور نہ ہی زلزلے سے ہونے والے مالی نقصانات كا ازالہ ممكن ہے تاہم وفاقی اور خیبر پختونخوا حكومتیں مل جل كر متاثرین كے زخموں پر مرہم ركھنے اور ان كا دكھ بانٹنے كی كوشش كر رہی ہیں۔ انہوں نے كہا كہ خود ان كی اور وزیراعلیٰ خیبر پختونخوا كی خواہش ہے كہ امدادی رقوم جلداز جلد متاثرین تک پہنچیں كیونكہ سردی كی شدت میں اضافہ ہو رہاہے اور ضرورت اس امر كی ہے كہ شدید سردی شروع ہونے سے پہلے متاثرین تک امدادی رقوم پہنچا دی جائیں اسی صورت وہ مكمل اور جزوی طور پر تباہ ہونے والے مكانات كی بروقت تعمیر و مرمت كے قابل ہوسكتے ہیں۔ ان کا کہنا تھا کہ اس سے پہلے وفاقی اور صوبائی حكومتوں كے باہمی تعاون سے متاثرین كوامدادی اشیاء مثلاً خیمے، كمبل، ادویات اور غذائی اشیاء بھی بروقت پہنچائی گئیں۔



وزیراعظم کا کہنا تھا ہماری كوشش ہوگی كہ متاثرین كے گھروں كی تعمیر و مرمت كا عمل مكمل ہونے كے بعد وہ دوبارہ ان سے ملاقات كے لیے آئیں، زلزلے سے متاثرہ افراد كو امدادی اشیا اور امدادی رقوم كی فراہمی كا عمل تیز تر انداز میں آگے بڑھانے كے حوالے سے وہ وزیراعلیٰ پرویز خٹک اور ان كی ٹیم، آرمی چیف اور پاک فوج كے افسران و جوانوں، گورنر خیبر پختونخوا، متعلقہ عوامی نمائندوں اور سركاری افسران كے مشكور ہیں۔ انہوں نے كہا كہ جن سروے ٹیموں نے نقصانات كی تصدیق كا عمل بروقت مكمل كیا وہ ان ٹیموں كے اراكین كا بھی شكریہ ادا كرتے ہیں۔ اس موقع پر انہوں نے ضلع دیر لوئر كے 203 متاثرین میں امدادی رقوم كے چیک تقسیم كیے جب كہ مرحومین كے لئے اجتماعی دعائے مغفرت بھی كی گئی۔