کوئی فنکار میڈیا کے بغیرشہرت حاصل نہیں کرسکتامصطفی قریشی

SILVERSTONE:
پاکستان فلم ٹی وی جرنلسٹس ایسوسی ایشن کی جانب سے دنیائے شوبز کے سینئر صحافی سلیم باسط اور یونس بٹ کے انتقال پرتعزیتی ریفرنس کراچی پریس کلب میں منعقد کیاگیا ۔


اس موقع پر سینئر اداکار مصطفی قریشی نے کہاکہ صحافت اور فنکار کاچولی دامن کا ساتھ ہے ، کوئی بھی فنکار بغیر پرنٹ میڈیا کے شہرت کی بلندیوں کوچھونہیں سکتا ۔ سیدفرقان حیدر نے کہاکہ سلیم باسط نے کراچی اسٹیج کو جتناپرموٹ کیا ہے اس کی مثال نہیں ملتی ، اداکارہ سلومی نے کہاکہ شوبزصحافی میرے اپنے گھر کے لوگ ہیں ، مجھے انتہائی دکھ ہے کہ صحافت کے دو باب ختم ہوگئے۔

اس موقع پر سعادت جعفری ، اطہرجاویدصوفی ، نواب حضور الحسن صدیقی، یاسمین طحہٰ، اسلم الیاس رشیدی، عابدحسین ، عبدالوسیع قریشی، پرویزمظہر، قیصرمسعودجعفری، راشدنور، غفران خان ، خالدفرشوری ، امجد رانا، شفقت علی تارا، شہناز صدیقی اور دیگر نے بھی مرحومین کی خدمات کے حوالے سے اظہار خیال کیا جب کہ لاہور سے زیبامحمدعلی نے بذریعہ فون اظہار خیال کیا۔سیداعزازالدین شاہ نے دعائے مغفرت کی ۔