سونم نے فلم ’’پریم رتن دھن پایو‘‘ کو اپنے کیرئیر کی سب سے بڑی فلم قرار دے دیا

فلم ’’پریم رتن دھن پایو‘‘ میں کام کرنا میری خوش قسمتی ہے،بالی ووڈ اداکارہ فوٹو: فائل

---

بالی ووڈ کی موسٹ اسٹائلش اداکارہ سونم کپور نے کہا کہ فلم ''پریم رتن دھن پایو'' ان کے کیرئیر کی سب سے بڑی فلم ہے۔

بالی ووڈ اداکارہ سونم کپور نے 2007 میں ریلیز ہونے والی فلم ''ساوریا'' سے اپنے فنی کیرئیر کا آغاز کیا جس کے بعد انہوں نے متعدد سپر ہٹ فلموں میں اداکاری کے جوہر دکھائے تاہم سونم کپور نے پہلی بار دبنگ خان کے ساتھ اپنی نئی آنے والی فلم ''پریم رتن دھن پایو'' کو اپنے فنی کیرئیر کی سب سے بڑی فلم قرار دیا ہے۔

اداکارہ سونم کپور کا کہنا تھا کہ سلمان خان کے ساتھ فلم میں کام کرنے میں بہت خوش محسوس ہوئی جسے الفاظ میں بیان نہیں کرسکتی جب کہ فلم ''پریم رتن دھن پایو'' میں کام کرنا میری خوش قسمتی ہے اور یہ میرے کیرئیر کی سب سے بڑی فلم ہے۔

واضح رہے کہ سلمان خان اور سونم کپور کی فلم''پریم رتن دھن پایو'' 12 نومبر کو ریلیز کی جائے گی۔