وینا ملک نے ہیروٹی وی پرآکرگناہوں سے توبہ کرنیکی ٹھان لی

رمضان المبارک کے30دن میں آن کیمرہ استغفارکے لیے ہیرو ٹی وی کوگواہ بنالیا۔ فوٹو/فائل

---

اسکینڈل کوئین وینا ملک نے ہیروٹی وی کے روبروگناہوں سے توبہ کرنے کی ٹھان لی، پچھلے گناہوں کی معافی کیلیے وینا ملک نے رمضان کا مہینہ چنا ہے، وہ پورے تیس دن کیمرے کے سامنے استغفارکریں گی۔

پاکستان کا پہلا عوامی نیوز چینل ہیرو ٹی وی رمضان المبارک میں پورا مہینہ وینا ملک کے استغفار میں ناظرین کوشریک رکھے گا۔ وینا ملک استغفار پر راضی کرنے والی ہیرو ٹی وی کی ٹیم کے سامنے اپنے گناہوں پر بات کرتے ہوئے پھوٹ پھوٹ کر روپڑیں۔

ان کا کہنا تھا کہ انسان خطا کا پتلا ہے، وقت آگیا ہے کہ گناہوں سے توبہ کی جائے، اکیلی گناہگار نہیں، ایسے لوگ بھی شامل ہیں جن کے گناہ ان سے بھی زیادہ ہیں، اس سلسلے میں رمضان کے مبارک مہینے سے بھر پور فائدہ اٹھانا چاہیے، وینا ملک نے کہا کہ اپنے ساتھ خدا سے دوسروں کیلیے بخشش مانگیں گی اور لوگ پورا مہینہ ہیرو ٹی وی پر ان کے استغفار میں شامل ہوسکتے ہیں،ہوسکتاہے یہ توبہ کا آخری موقع ثابت ہو،کسی کے فتوئوں کی پروا نہیں۔ خدا بڑا رحیم ہے اور وہ گناہگار ترین انسان پر بھی توبہ کے دروازے بند نہیں کرتا۔