سلمان کی فلم ’’ پریم رتن دھن پایو‘‘ کی ایڈوانس بکنگ شروع

سلمان فلم کی تعریف کرتے ہوئے اسے اپنی اب تک کی سب سے خوبصورت فلم بتا رہے ہیں۔ فوٹو : فائل

---

سلمان خان اور سونم کپور کی نئی آنے والی فلم ''پریم رتن دھن پایو'' کی ایڈوانس ٹکٹ بکنگ کا گزشتہ روز آغاز کر دیا گیا۔

سروج برجاتیہ کی یہ فلم ان دنوں موضوع بحث بنی ہوئی ہے جب کہ سلو بھائی آج کل اپنی اس فلم کے لیے سونم کپور کے ساتھ پروموشن میں مصروف ہیں۔ سلمان خان ہر وقت خبروں میں رہنے کا ہنر جانتے ہیں اب چاہے ان کی فلمیں ہوں، جھگڑے ہوں، مبینہ افیئرز یا پھر ان کی باتیں۔ سلمان فلم کی تعریف کرتے ہوئے اسے اپنی اب تک کی سب سے خوبصورت فلم بتا رہے ہیں۔

خیر فلم کی تعریف تک تو بات ٹھیک تھی لیکن سونم کپور کو مادھوری اور ایشوریہ سے زیادہ ٹیلنٹڈ اور خوبصورت کہنے کی کیا ضرورت تھی؟۔ اب مادھوری کو تو شاید فرق نہ پڑے لیکن سابق مس ورلڈ اسے آسانی سے نہیں بھلا پائیں گی کیونکہ سونم انھیں پہلے ہی آنٹی کہہ کر ناراض کر چکی ہیں۔فلم ''پریم رتن دھن پایو'' پاکستان میں بھی ریلیز ہوگی۔