دبنگ خان  نے ہالی ووڈ پر بھی اپنی دھاک بٹھا دی

سلمان خان کی فلم سے باکس آفس پر مقابلے کے پیش نظر ہالی ووڈ فلم’’اسپیکٹر‘‘ کی بھارت میں نمائش کی تاریخ بڑھادی گئی، فوٹو: فائل

---

بالی ووڈ کے دبنگ اسٹار سلمان خان کی نئی آنے والی فلم ''پریم رتن دھن پایو'' نے ریلیز سے پہلے ہی ہالی ووڈ پر اپنی دھاک بٹھا دی جس کے بعد 6 نومبر کو ریلیز ہونے والی ہالی ووڈ کی فلم ''اسپیکٹر'' کی بھارت میں نمائش کی تاریخ بھی بڑھادی گئی ہے۔

بالی ووڈ اداکار سلمان خان اپنے جاندار اداکاری کے باعث شہرت رکھتے ہیں جب کہ ان کی متعدد باکس آفس پر بلاک بسٹر ثابت ہوئیں ہیں یہی نہیں ان کی رواں سال جولائی میں ریلیز ہونے والی فلم''بجرنگی بھائی جان'' باکس آفس پر سب سے زیادہ کمائی کرنے والی دوسری بالی ووڈ فلم بن گئی ہے جس کے بعد دنیا کی سب سے بڑی فلم انڈسٹری ہالی ووڈ پر بھی بالی ووڈ اسٹار کی دھاک بیٹھ گئی ہے۔

میڈیا رپورٹس کے مطابق ہالی ووڈ کے شہرہ آفاق کردار جیمز بونڈ کی نئی آنے والی فلم ''اسپیکٹر'' بھارت میں 6 نومبر کو ریلیز کے لیے پیش کی جانی تھی تاہم دبنگ خان کی 12 نومبر کو ریلیز ہونے والی فلم ''پریم رتن دھن پایو'' سے باکس آفس پر مقابلے کے پیش نظر اب فلم ''اسپیکٹر '' 20 نومبر کو ریلیز کی جائے گی۔