اچھاکردار ملا توفلم میں ضرور کام کروں گیریشم

اداکارہ ریشم نے کہا ہے کہ میر جعفر او ر میر صادق جیسے لوگوں نے فلم انڈسٹری کوتباہی کے دہانے پرپہنچا دیا ہے ۔


مجھے اچھے کردار کی پیشکش ہوئی تو ضرور کام کروں گی یہ بات انھوں نے ایک انٹرویوکے د وران کہی ۔ریشم کا کہناتھا کہ فلم انڈسٹری کے بڑے آج بھی آپس میں اتفاق کر لیں تو ہم نہ صرف اپنے پاؤں پر کھڑے ہو سکتے ہیں بلکہ انڈسٹری دوبارہ عروج بھی حاصل کر سکتی ہے ۔

انھوں نے کہا کہ آج اتحاد و یگانگہت کی جتنی ضرورت ہے پہلے کبھی نہ تھی اور اگریہ وقت بھی ہاتھ سے چلا گیا تو پھر پچھتاوے کے سوا کچھ نہیں بچے گا ۔ ریشم نے کہا کہ فلم انڈسٹری نے مجھے پہچان دی ہے اگر مجھے اچھے اچھے کردار کی پیشکش ہو گی تو میں فلموں میں ضرور کام کرونگی ۔